Album de famèa

PÒTA (L. Ravasio) A Bèrghem se giösta ògne sitüassiù co la parola pòta; ü pòta l'è mèi de tate spiegassiù: se schìa pò a’ de parlà... A Bèrghem per töte i necessità gh'è la parola pòta e quando ü l'sà piö, piö che sant ciamà a l' dis adóma: " Pòta...". Pòta, scomincia a dìl quando s'parlòta pòta, pò se fenéss piö de dovràl pòta, pò l'vé a 'l momènt che i dis che pòta pòta, a l'è crepàt chèl animàl.... Ma töte i ólte che m’ dìs pòta m’gh’avrèss de netàs fò la bóca pòta, i l' la dis i frà quando i se scòta pòta, pòta Signùr, madói che mal! A maiocà, a maià a l' maiòca a l'è a laorà che lü a l' barbòta, pòta, alura pòta ciàmel bambo... pòta, a l' màia, a l' bìv e l' bala ol mambo. Vamos col mambo! Pòta, i dis che l'éra fiöl del Lèca pòta, me l' dis a’ quando m'fà cilèca pòta, m'gh'à piö de dìl quando l'imbròi l'è de tocàm ol portafòi; pòta, o sedenò dopo la bòta i me la dà 'mpunì piö sóta. Perché arrivino da sinistra o da destra le botte le danno sempre al centro GLOBALISASSIÙ (L. Ravasio) Di nòste bande i m’à insegnàt che prima a l’vé l’amùr per ol laorà: zamò de s-cècc quàt m’à tribölàt per imaparà ü bù mestér. Mai e pò mai avrèss söspetàt de pèrd ol pòst adèss che gh’ó esperiensa: i à cancelàt la mé dignità, ün òm s’pöl mia bötàl vià. Làsses mia ‘ndà, pènsa a chèi chi te öl bé, làsses mia ‘ndà, te sé in gamba e te l’sé, làsses mia ‘ndà, a l’turnerà amò ‘l seré…. In Bergamasca l’esèmpe m’ghe l’à: a m’sìa magücc, pastùr, contadì, ma co l’inzègn, la buna olontà se ést i indüstrie a fiurì. Ma gh’è tempesta, gh’è nìgher sö in val per ol tsunami globalisassiù: in Cina, a l’Est i fà ingrassà ol capitàl e i ditte ché i và a cagnù… Làsses mia ‘ndà, per tiràss amò in pé (làsses mia ‘ndà), te bisògnet pò a’ té; làsses mia ‘ndà, te sé mia deperté. Certo ol cör a l’ fà mal ma l’è bröta per töcc, sóta i pucc, zó in de àl ol Sère e ‘l Brèmp i è mai stöf; quace sècoi la mé zét l’à ardàt l’aqua büligà e l’à troàt amò la fórsa per tègn dür e per restà…. Và mia vià! A t’é guidàt töta la nòcc per strade fò de mà coi tò emossiù, la Presolana al ciàr de lüna la t’è facc vègn ol magù. A te ölet mia lassà i tò contrade: i stele alpine i crèss dóma in montagna; sènsa laorà i mör i valade i t’à firmàt la condana. Làsses mia ‘ndà, quando s’gh’à ün ideàl (làsses mia ‘ndà), ol destì s’pöl cambiàl, làsses mia ‘ndà, i è ché al vólt i tò amìs, ol tò mond, i raìs: i tò raìs. MARÒCH (parole L. Ravasio, musica L. & G. Ravasio) Parlato: Té, ét sentìt coha l’è sücedìt? - Sucedit cohè? Ü laùr gròh…- Ü laùr gròh? L’è sucedit ü laùr gròh gròh come öna Pasqua. - Madóna coha te cöntet sö… L’è restada incinta la s-cèta del sagrestà - Cohè?! L’è stacc u maruchì…. L’è mpó nèh ch’i la fàa ‘ndà, sta storia. (Canto)- A gh’è ‘l paìs che l’è, l’è in piena agitassiù la zét la parla ormai sènsa creansa. Ve l’ó zamò spiegàt cos’éla la resù i lèngue i cór per colpa d’öna pansa. La s-cèta del sagrésta , madói che bröt afare, -pensà che l’è la mórt de la belèssa- l’à mia scoltàt i prediche de la sò póvra mare e l’à perdìt l’unùr e la pürèssa. Ol diàol l’à sircàt fò i pagn d’ü maruchì per indà ‘n cà del vice del preòst: ün òm töt césa, altàr, incèns e candelì adèss a gh’è borlàt ol mónd adòss. Ol maruchì, chèl drito, l’à enzìt la loteria l’se fà manté, de brào filù de éder; coi buoni del goèrno l’ völ trà in pé öna dinastia e l’móns ol sagrestà co la scüsa del batésem. (Parlato) Ahi, ahi, no soldi, nipote no batésem… no, no, no… non chiamare bambino Antonio, chiamare Mustafà, Mustafà Garbi… - Müs de cohè te ölet ciamàl ? I völ ciamàl müs de cà bau bau. - E se l’è öna s-cèta? - Al Jazira. -Chi la Cesira? (Canto) Per chèi che pensa doma a crèss ol capital Maometto e Cristo - i dis - i è tal e qual. Istèss ol nòst maròch, la sò de religiù I è i sólcc e mia pregà piegàt in du. - Allora si è integrato … I piö malègn i dis che lü zó a Casablanca l’era spusàt e in piö no l’fàa giödésse; de vésse ghe n’à tance, o l’önech che l’ghe manca l’è de maià ol salàm, a l’pènsa che l’ fà schéfe… (Parlato) L’ la maia mia lü ol salàm, gh’l’à sèmper sö la boca… salàm de ché, salàm de là…ma l’la próa mia… - Va là tàmbor che i salàm a m’sé nóter! (Canto) Ol Tóne sagrestà a l’dis: “A l’è finida, söl có me trecàt zó i dò tór zömèle”; e st’an l’è ‘ndacc a pé al sacro prato de Pontida - L’và piö a Lurdes? L’ó ést pò a’ lü girà tra i bancarèle… - L’à compràt l’aqua del Po… Dopo ‘l rosare a l’néga i dispiassér a l’ostaréa, l’intuna coi sò soci ol Va’ pensiero, se pò i’è sö de gir i vusa töcc fis mia marvèa, “Il Piave mormorò, non passa lo straniero!” Un fiasco di quel nero. Finale a braccio: Battute in arabo…. Certo, brào, l’è chèl che ulìe diga. Dai Mustafa, porta chè ü bèl fiaschetì a m’se stinca sö de carcadè co la grapa. Nóter de Bèrghem de sura, a la polenta m’gha dis ol cuscus. [Scioglilingua vari]: A’ chèla aca là che la à in che la cà là / ta fala mal amò la mà?/ Sa la sa lassàa salassà la sarèss mia mórta, / sa la sa lassàa mia tocà la sarèss mia ‘ncinta…. Piano piano, làghem parlà ün atimo…Cosa c’è a me sacrestana piace… Impara ‘l bergamasch ah che sei un tàmbor neh, sei un tàmbor proprio…E poi anche se ha sposato una sacrestana che problema ci sono, che problema gh’è, pòta me piàs. Se me piàs me piàs… Figlia del sacrestano piace… tutto bello, lei molto buona, suonare campane insieme, bello… io dopo baciare, baciare ogni tanto, bacino din don bacio, din don bacio, eh… innamorato. (Campane arabe). Io la sera andare suonare sempre campane, poi dopo campane… è tutto bello… dai il tuo, suo papà tutto bello brava gente, bràa zét, bràa zét… (Campane a distesa). LA GIÜSTISSIA (di L. Ravasio) Pròpe in centro zó in sità a gh’è ‘l Palàss del Tribünàl con dò statüe, öna per banda, del purtù, chèl principàl: a sinistra gh’è ün umù che l’è biót de fà impressiù, sö la destra gh’è öna dòna coi vestìcc de la Madóna. Ma per mé che só ignorànt ghe ölerèss di spiegassiù, chi saràl che l’òm töt biót co la fòia ‘n di galù? Dóma chèla gh’è restàt forse a ‘ndà per aocàt: mèi ol rat in bóca al gat che ü cristià in di mà d’l’aocàt. - L’è ol Diritto chèl lé biót - a l’ m’à dicc ü che l’ se intènd; ma che drito, gna a quarciàl a s’vèd benone ohimè che l’ pènd… e l’ pènd sèmper de la banda di balòss che i me comanda: perché i sólcc e l’amicissia iI rómp ol còl a la giüstissia. La Giüstissia, pròpe lé, l’è la statüa töta estida: la gh’à ü lìber in di mà e la céra l’è stantida; mèi, la gh’à ol faciù de brónz per mia èd quando i la móns, lé la gh’à i ügiù de préda per mia èd quando i la frèga. La Giüstissia, sta indorméta coi problemi che gh’è incö a l’è sèmper móca e quiéta la se fa pistolà sö; ma de cólp la se sladina se i ghe dà la vaselina: perché i röde, i dis che a unciale dopo i gira e póche bale. E l’è pròpe ü disunùr che ü Diritto e öna Giüstissia, öna còpia de valùr i val come l’imondissia: i è de fò a fà ol portinér sciùr Diritto e sò moér, intàt de là i fà dét la féra ‘n barba ai leggi e a la galera. E i piö tance adèss i pènsa: “La Giüstissia l’è crepada…”, l’è mia assé che in del Palàss i la scrìe sö la faciada; ma l’ sì bé che l’è amò ìa a l’è in de rabia che me pìa e che me dis de molà mai contra i bòss, tivù, e giornài. LÜNA (parole L. Ravasio – musica M. Oprandi) Arda che lüna bionda a l’è fiurida in cél, l’è piéna, l’è rotonda, dólsa come la mél: stanòcc la fà la röda per regalà emossiù, stanòcc la fà la lösa ma i ghe fà mia atensiù. Lüna che la te incanta la tóca i cör mülzì issé i poeti i canta de l’òm, del sò destì; i ghe fà i serenade pò i cà che i bór ai gacc insèma ai grì ‘n di pracc e ai dòne inemurade. Lüna che la camina per tègn impéss ol mónd, quando l’è berechina di ólte la se scónd: ai mucc la ghe fà i care la fà sberlüss ol Brèmb e s’vèd ol firmamènt tremà söi aque ciare. Lüna la vagabonda amisa di pastùr lassö in de nòcc profonda l’è ‘ntùren come lur: la mèt in fila i stèle per disegnà ricàm forse per regordàm cos’éle i ròbe bèle… Lüna come la mama la scólta söspirà la zét che spera e brama ‘mpó de serenità: la sdögia i tenerèsse i nòs momèncc sincér, la spéa basì e carèsse möta in di sò pensér… Lüna e stèle i me segnala i sentér del paradìs, col ‘l sentimènt, i dìs, a s’pöl troà la scala. La lüna pelegrina tra grate de lümì l’è pròpe la regina d’ü mónd sensa confì; de quate cansunète i lóda ‘l sò ciarùr che l’ fà brüsà d’amùr ol cör di bèle s-cète. Stanòcc la lüna biónda l’è in fiùr per mé e per té perchè la vagabonda la sà che te öle bé… L’eterna vagabonda la sà che te öle bé. ALBUM DE FAMÈA (parole L. Ravasio-musica G. Ravasio) L’album de famèa memoria de la cà l’è ü lìber che l’ te pórta d’lontà. L’è l’önica specéra ‘ndó s’vèd che m’cambià céra m’capéss de che rassa che m’séra. Gh’è i mè veci in pé a ü fondàl con piante e fiùr col vestìt piö bèl i par di siòre a lur. Pò m’ vé nóter a la prima cümüniù, in colonia, a scöla, ’n gita, col balù. A l’par gna ira i è di sògn anche i momèncc che m’à passàt, söi fòi che m’ gira s’vèd grignà pò a’ chèi che i m’à lassàt… L’album de famèa adèss a l’fà impressiù scatti per töte i stagiù. L’ è ön’enciclopedia gh’è ai foto che ocór mia ma sèmper co ü fil de poesia… Töcc i flash in bianch e nìgher o a culùr i è tochèi de éta, i è tochèi de amùr e in de l’album gh’è i riflèss: töt chèl che resta de la mé zoentü, di mé ocasiù de festa. Gh’è la trama d’öna storia che fà ègn la nostalgia e ‘l cör a l’ brama ü basì, öna carèssa ma s’pöl mia… MARGÌ DE SCANS (L. Ravasio) O Margì Margì te ölìe bé tant tra i campanéi de Brüsa e Scans, o Margì Margì che bèl incànt parlà d'amùr tra Brüsa e Scans. “Hó gna me cosa fó / to m’é facc pèrd ol có ma htà trich con chi hgrafe / öt ciapà hö dò s-ciafe? Pòta, hcóltem, alura?! Gh’è ol mé tata dehura ha l’ma tróa ‘n fal ché a hcür /a l’ me maha de higür!” O Margì, Margì, sö 'l tò balcù ‘n del cél de Scans stèle a miliù, ma Margì, Margì, che lacrimù, la sira che m’à facc marù. “Sét dré a fà lé despush? / Hö de dòh o schifus! Ha ta tröe ‘n sté contrade / ta fó cór a pehade (‘n del cül). Bröt lifròch d’ü sterlöch / to indaré mai in nigalöch forbeàch sciùr impiàster / t’avré facc damò ö disàster!” O Margì, Margì, pò a’ ‘l cél de Scans l’è egnìt piö gris quando che l’ piàns; ma Margì, Margì, i tò bèi ügiù i è amò celèscc a ògne stagiù. Dèss che m’ sé squase ècc / te me fé gna cóld gna frècc e pensà che sìe mat / dopo che te m’é lassàt. Ol tò tata l’ gh’è piö / l’ sarà dré a ostià lassö, mé ‘ndó inàcc ü tat al tòch / e stó bé quan che só ciòch só sèmper ciòch… O Margì, Margì, l’ turna l’incànt /del grand amùr tra Brüsa e Scans; o Margì, Margì, l’è per ol vì che ‘l cör a l’ bat sènsa soffrì. O Margì, Margì, la mé passiù l’è ‘l vì de Scans e de Nigrù; ahi Margì, Margì, la mé rüina l’è ‘l vì ch’i fà a la Trebülina. O Margì, Margì, só inemuràt / l’amùr l’è dóls, mai come ol moscàt; o Margì, Margì, me bói ol sangh / per ol vì róss e per chèl bianch. (Parlato): Quando la barba la fà ol bianchì mè lassà pèrd dòne e tacàss al vì… OL DUMÉLA (L. Ravasio) L’è riàt ol Duméla gh’ó zamò sinquant’agn e me sènte öna mosca in de tila del ragn. L’è ü pecàt deentà ècc quando ‘l cör l’è amò ‘n fiùr, pié de sògn i cassècc dré a scadì ormai pò a’ lur. L’è rìat ol Duméla Giubilei, porte sante mai che l’rìe ön’indülgènsa se m’tribüla coi banche. Mé ó sunàt la chitara anche l’öltem de l’an ‘ntàt i siòre i balàa e i brindàa col champagne. L’è riàt ol Duméla e ön aügürio mè fàl: de fàs töcc buna céra, che nissü ‘l campe mal. Dopo, in fì de la féra, i è amò crus e passiù guai, però, fà mia ol pieno di piö bèle intensiù. L’è rìat ol Duméla e se àrde piö in là l’ispaènta e l’incanta ol pensér del domà: perchè ol mónd a l’và inante anche sènsa de nóter e se l’òm a l’fà ol bambo Dio l’se inventa ergót d’óter. OL TRENÌ (L. Ravasio) A só ché in galeria sura San Pelegrì quate machine in cùa, mai che s’vède la fì; arde i méter de fuga, l’umì söl display scapà vià ‘l sarèss mèi. Stèss a Olmo e sö ai Brans a pas d’òm i camina, processiù a S.Gioàn Biànch: gh’è ‘l festù de la Spina, co la banda e i campane a sunà l’alegrèssa sènsa ün’ombra de frèssa. Intàt che m’và pròpe mia -sére i öcc- e me é in mènt ol trenì: ‘n banda al Brèmb a l’curìa ‘nféna sö a san Martì, in caròssa a s’godìa töt ol bèl de la àl l’è ü botép a pensàl. Gh’è ‘l trenino che l’ fila, fila, fì… che visiù, l’ manca ‘l fiàt: só tra Éla e Brembila ‘n mèss a ü bósch incantàt, a Sedrina sèt pucc, galeria sóta i cà: Zògn l’è mia de lontà. E s’vèd San Pelegrì: Casinò, Grand Hotel, salta zó i siure in prima (class): ombrelì, guàncc, capèl; San Gioàn, Lenna: ol treno söl put lènt a l’ passa basta sògn, a m’sé a Passa. Ardì ‘mpó i có de góma che disàster i à facc: ‘ndustrie, tràfech turismo i sarèss migliuràcc, gh’è restàt di brandèi de la ex ferovia e m’sé in cùa ‘n galeria… Dèss i nòscc cocodrili i promèt la tramvia ma m’sà piö ‘ndó che m‘ rìa… GIOANÌ DEL LACC (L. Ravasio) Intro: È l’improbabile storia di Giovannin del latte / che dopo i giorni neri / trovò ricchezza e amore / nella terra dei toreri Gioanì del lacc dai, salta fò del lècc nèta zó l' ucc che te gh'é sö söi öcc, a l' só l'è nòcc e te sé amò in penücc ma taca a tirà tète fin che te sé còcc Gioanì Gioanèla per fà insèma i sólcc mè fà di sàlcc, mè caminà söi ciócc, s’gh’à de fà ‘l piöcc, bisogna deentà macc, sgobà come magücc e mia fà i lömagòcc. I l’ la disìa tò pàder e i tò ècc ch’ i à sfadigàt de bestie a segà i pracc, i à sbassàt zó ol crapù come i bessòcc per obedì al padrù per dì de sé ai preòscc. Ma tè Gioanèla scólta mia i parécc, cos’öt ch’i sapie lur di schèrs supurtàcc? che i te ciamàa buassù i tò coscrécc: gnoràncc col có ‘n di moto, dòne, estìcc firmàcc Té dòne nisba! I dis che te sé ströcc, te ghe fé pura come i racc, come i sacc ma fómne e ache a té i te é fò di öcc: te pica fórt ol cör apröf ai zùegn, ai mascc. (Parlato) Ghe piàs i mascc al Gioanì? Alura l’è ü gay… -No, a l’ fà i ghèi de quando l’à piantàt lé boasse, ache, stale e l’è scapàt… come s’ ghe dis…con d’ ü ”uomo sensuale”. Ormai l’è piö ü mistero l’ và a spusàss del Zapatero… Gioanì del lacc adèss a l'è piö chèl l'è dèt inféna al còl con chèi ch’i móssa ol cül, l’è ‘n giro co i tach vólcc, l'è 'l capo di traestìcc e l’à metìt sö ü denacc indóe se resta a tècc. E i fà la fila adèss i nemuràcc ma l’ gh’à ol compagno e i par colómb tat i è ligàcc; però ‘ l Gioanì l’ völ mia adotà di s-cècc: l’ la sà che sóta ‘l tècc a l’gh’à la cà… di macc. La cage aux folles … (Parlato): Juanito dela leche è por tu amor che batte el corazon dei matador! I massa tòr. IMÀGINES (L. Ravasio, sull’aria di Imagine di J. Lennon) Imàgines che in aria a gh’è mia ‘l Paradìs l’ Infèren l’è öna storia adóma per stremìss, imàgines i pòpoi in gara a fàs del bé... Imàgina ü miràcol gna stati e religiù nissü che massa o che i völ mör per tórt o per resù, imàgines ol mónd in pas e in armonéa. Digherì che me ’nsògne che i è i mé fantasée ma l’pöl dàs che ü bèl dé tócc i sògne con mé (la sarà pròpe issé). Imàgines fotsura gna làder, gna padrù se gh’è ü poarèt per sbaglio töcc i völ fàs in du, imàgines ol mónd piö bèl de imaginà… OL MAR (L.Ravasio) Per nóter zét di vài, zét de pianüra ol mar l'éra ün oràcol e de s-cèt a me l'figüràe mia diferènt de l'Ada e l' pitüràe de érd e de celèst. Tra dò file de mucc de sà e de là 'mpienìe i mé fòi d'ü nàster sensa fì: "Ol mar- i m'éra dicc- ol mar no l' gh'à confì", ma de che banda, come fàe a 'ndüinà? Ol mar quando l'ó ést la prima ólta l'è stacc a 'ndà in colonia zó a Riccione; a m'partìa co i nòste alise de cartù, i nömer söl corédo e adòss ü gran magù… Dopo öna nòcc a tègn i lacrime söl treno l'è comparìt là in fónta a lorizónt: "Ol mar, a s'vèd ol mar! col cél lü l' se confónd; ma l'è piö blö, piö grand, piö vagabónd". E quate ólte a l' me fà südissiù perché l' me parla de l'eternità, intàt che l'varde römie i mé dulùr, pò dopo 'l zöch di onde a l' me fà pèrd ivià. Ol mar adèss l'è ün àtem de vacansa: ghe passe öna quach dé in prensépe a löi; a fó 'l pieno de belèsse e de emossiù ol mar che incànt a l'ura che l' se dèsda ol sul. Rèste lé a bötàga dét ol am per vèd i sò creatüre d'arzènt vìv, che i gh'à di nòm tat bèi de löminà, m'insègna ü vècio, ü pescadùr mé amìs: ziguèle, sparli, saraghi, lagioni, occhiate, bulagi, sarpe, bóghe, orate (fratres); parole de poesia che i 'ncórda ol sentimènt quando s’i mèt in rima co l'ài e 'l pedersènt. E scólde l'estro e l'anima col vì, l'è ü bianch che l' vé di ruch de Portofì e in cör a l' crèss ün'onda de serenità: "Che a ne lìga e a ne porta 'nte 'na creuza de mä". (Coda) La mer qu'on voit danser / Le long des golfes clairs a des reflets d'argent /La mer sous la pluie. SAN MARTÌ (da un sonetto di Giuseppe Bonandrini, 1867- 1940; musica L. Ravasio) Fra chèsce mucc, e 'n d' öna cà mia mé, gnìt vècc, e coi caèi quarciàcc de brina, varde a gnì gió la név, e pense ai dé quando a cà nòsta, sentàcc gió 'n cüsina, nóter fradèi a m'sa scoldàa i pé denàcc al caminù, e gió 'n cantina a m'gh'ìa ‘l vì növ, ed ogni quando mé a 'ndàe de bass a fà girà la spina… E 'n de bronzai buìa i polastrèi e inàcc al föch pirlàa belase ol spit co e sò bachète piéne d' salvia e osèi Nè m'gh'ìa óter pensér fò per ol có che de diertìs, mangià e scödìs la sit… Dei dé xé bèi pödrói godìn amò?

PÒTA A Bergamo si aggiusta ogni situazione con la parola pòta; un pòta vale più di tante spiegazioni: si può anche fare a meno di parlare... A Bergamo per tutte le necessità c'è la parola pòta e quando uno non sa più che santo chiamare dice soltanto: " Pòta...". Pòta, si comincia a dirlo quando si parlucchia pòta, e non si smette più di usarlo pòta, poi viene il momento in cui dicono che pòta pòta, è morto quell'animalaccio... Ma tutte le volte che diciamo pòta, dovremmo pulirci la bocca, pòta, lo dicono i frati quando si scottano pòta, pòta Signore, mamma mia che male! Se c'è da abbuffarsi ci dà dentro è quando c'è da lavorare che lui borbotta, pòta, allora, pòta, chiamalo stupido... pòta, mangia, beve e balla il mambo. Vamos col mambo! Pòta, dicono che era figlio del "Lecca" pòta, lo diciamo anche quando facciamo cilecca pòta, non dobbiamo più dirlo quando l'imbroglio è di toccarci il portafoglio; pòta, altrimenti poi la botta ce la danno un po' più sotto. GLOBALIZZAZIONE Dalle nostre parti ci hanno insegnato che prima viene l’amore per il lavoro: già da ragazzi quanto abbiamo tribolato per imparare un buon mestiere. Mai e poi mai avrei sospettato Di perdere il posto Adesso che ho esperienza: hanno cancellato la mia dignità, un uomo non si può buttarlo via. Non lasciarti andare, pensa a chi ti vuol bene, non lasciarti andare, sei in gamba e lo sai, non lasciarti andare, tornerà di nuovo il sereno. In Bergamasca l’esempio l’abbiamo: eravamo manovali, pastori, contadini, ma con l’ingegno, la buona volontà si sono viste le industrie fiorire. Ma c’è tempesta, c’è nero su in valle per lo tsunami globalizzazione: in Cina, all’Est fanno ingrassare il capitale e qui le ditte imputridiscono… Non lasciarti andare, per rimettersi in piedi (non lasciarti andare), c’è bisogno anche di te; non lasciarti andare, non sei da solo. Certo il cuore fa male ma è brutta per tutti, sotto i ponti, giù nella valle il Serio e il Brembo non sono mai stanchi; quanti secoli la mia gente ha guardato l’acqua agitarsi e ha trovato ancora la forza per tenere duro e per restare… Non andar via! Hai guidato tutta la notte per strade fuori mano con le tue emozioni, la Presolana al chiaro di luna ti ha fatto venire il magone. Non vuoi lasciare le tue contrade: le stelle alpine crescono solo in montagna; senza lavoro muoiono le vallate ti hanno firmato la condanna. Non lasciarti andare, quando si ha un ideale (non lasciarti andare), il destino si può cambiare, non lasciarti andare, sono qui in alto i tuoi amici, il tuo mondo, le radici: le tue radici. MAROCCO Hai sentito cosa è successo? – Cos’è successo? Un fatto grave.. – Un fatto grave? È successo un fatto grande come una Pasqua. -Madonna cosa racconti… È rimasta incinta la figlia del sacrestano. – Cosa? È stato un marocchino… È da un po’ che durava questa storia. (Canto)- C’è il paese in piena agitazione la gente parla ormai senza riguardo. Vi ho già spiegato qual è la ragione le lingue corrono per colpa di una pancia. La figlia del sagrestano, mamma che brutto affare, -pensare che è la morte della bellezza-, non ha ascoltato le prediche della sua povera mamma e ha perso l'onore e la purezza. Il diavolo si è travestito da marocchino per andare in casa del vice del parroco: un uomo tutto chiesa, altare, incenso e candeline adesso gli è caduto il mondo addosso. Il marocchino, quel dritto, ha vinto la lotteria si fa mantenere, da bravo “schiena di vetro”; con i buoni del governo vuole dare inizio a una dinastia e munge il sacrestano con la scusa del battesimo. (Parlato) Ahi, no soldi nipote no battesimo… non chiamare bambino Antonio, chiamare Mustafà, Mustafà Gairbi…. - Muso di cosa lo vuoi chiamare? Vogliono chiamarlo muso di cane bau… - E se è una bambina? - Al Jazira. – Chi la Cesira? (Canto) Per quelli che pensano soltanto ad accrescere il capitale Maometto e Cristo,- dicono-, sono tali e quali. Lo stesso il nostro marocco, la sua di religione sono i soldi e non pregare piegato in due. - Allora si è integrato…. I più maligni dicono che a Casablanca era sposato e per di più non faceva giudizio; di vizi ne ha tanti, l’unico che gli manca è di apprezzare il salame, pensa che fa schifo. (Parlato) Non lo mangia lui il salame, ce l’ha sempre sulla bocca… salame di qui, salame di là… ma non lo assaggia…- Va là ignorante, che i salami siamo noi! (Canto) Il Tonio sacrestano dice: “È finita, mi sono cadute in testa le torri gemelle”; quest’anno è andato a piedi al sacro prato di Pontida -Non va più a Lourdes? L’ho visto girare anche lui tra le bancarelle. - Ha comperato l’acqua del Po… Dopo il rosario annega i dispiaceri all’osteria e intona con i suoi soci il Va’ pensiero, quando sono brilli, non meravigliatevi, gridano tutti: “Il Piave mormorò, non passa lo straniero!” Un fiasco di quel nero …. Finale a braccio: …certo, bravo, è quello che volevo dirgli. Dai Mustafà, porta qui un bel fiaschetto che ci sbronziamo di carcadè con la grappa… Noi di Bergamo di sopra, alla polenta diciamo cuscus. [Scioglilingua vari]: Guarda quella mucca là che và in quella casa là / ti fa male ancora la mano? / Se si lasciava salassare non sarebbe morta, / se non si lasciava toccare non sarebbe incinta… Piano, piano, lasciami parlare un attimo…impara il bergamasco… ah che sei un ignorantone… LA GIUSTIZIA Proprio in centro, giù in città c’è il Palazzo del Tribunale con due statue, una per parte, del portone, quello principale: a sinistra c’è un omone che è nudo da far impressione, sulla destra c’è una donna coi vestiti della Madonna. Ma per me che sono ignorante servirebbero delle spiegazioni, chi sarà quell’uomo tutto nudo con la foglia tra le cosce? Solo quella gli è rimasta forse a ricorrere agli avvocati: meglio il topo in bocca al gatto che un cristiano nelle mani dell’avvocato. - È il Diritto quello nudo - mi ha detto uno che se ne intende; ma che dritto, neppure a coprirlo si vede benone ohimé che pende… e pende sempre dalla parte dei furbi che ci comandano: perché i soldi e l’amcizia rompono il collo alla giustizia. La Giustissima, proprio lei, è la statua tutta vestita: ha un libro in mano ma la cera è stantia; meglio, ha il faccione di bronzo per non vedere quando la mungono, lei ha gli occhi di pietra per non vedere quando la fregano. La Giustizia, questa addormentata con i problemi che ci sono oggi è sempre mogia e quieta e si fa impallinare; ma di colpo si scioglie se le danno la vaselina: perché le ruote, dicono che a ungerle dopo girano e poche balle. Ed è proprio un disonore che un Diritto una Giustizia, una coppia di valore valgono come l’immondizia: sono fuori a fare il portinaio il signor Dritto e sua moglie, intanto di là fanno la fiera in barba alle leggi e alla galera. E i più adesso pensano: “La Giustizia è morta…”, non basta che nel Palazzo la scrivano sulla facciata; ma sapete bene che è ancora viva è nella rabbia che ci morde e che ci dice di non mollare mai contro i boss, tivù e giornali. LUNA Guarda che luna bionda è fiorita in cielo, è piena, è rotonda, dolce come il miele: questa notte fa la ruota per regalare emozioni, questa notte fa la vanitosa ma non le fanno attenzione. Luna che ti incanta tocca i cuori sensibili così i poeti cantano dell’uomo, del suo destino; le fanno le serenate anche i cani che abbaiano ai gatti assieme ai grilli nei prati e alle donne innamorate. Luna che cammina per tenere acceso il mondo, quando è birichina a volte si nasconde: accarezza i monti fa luccicare il Brembo e si vede il firmamento tremare sulle acque chiare. Luna la vagabonda amica dei pastori lassù nella notte profonda è in giro come loro: mette in fila le stelle per disegnare ricami forse per ricordarci quali sono le cose belle. Luna come la mamma ascolta sospirare la gente che spera e brama un po’ di serenità: adocchia le tenerezze i nostri momenti sinceri, spia baci e carezze muta nei suoi pensieri… Luna e stelle ci segnalano i sentieri del paradiso, col sentimento, dicono, si può trovare la scala. La luna pellegrina tra grappoli di lumini è proprio la regina d’un mondo senza confini; quante canzonette lodano il suo chiarore che fa bruciare d’amore il cuore delle belle ragazze. Questa notte la luna bionda è in fiore per me e per te perché la vagabonda sa che ti voglio bene… L’eterna vagabonda sa che ti voglio bene. ALBUM DI FAMIGLIA L’album di famiglia memoria della casa è un libro che ti porta lontano. È l’unica specchiera dove si vede che cambiamo cera e capiamo di che razza eravamo. Ci sono i miei vecchi in piedi a un fondale con piante e fiori col vestito più bello sembrano anche loro dei ricchi. Poi ci siamo noi alla prima comunione, in colonia, a scuola, in gita, col pallone. Non sembra vero sono sogni anche i momenti che abbiamo passato, sui fogli che giriamo si vede sorridere anche chi ci ha lasciato. L’album di famiglia adesso fa impressione scatti per ogni stagione. È un’enciclopedia ci sono anche le foto che non servono ma sempre con un filo di poesia… Tutti i flash in bianco e nero o a colori sono frammenti di vita, frammenti d’amore e nell’album ci sono i riflessi: tutto quello che resta della mia gioventù, delle mie occasioni di festa. C’è la trama d’una storia che fa venire la nostalgia e il cuore brama un bacio, una carezza ma non si può. MARIETTA DI SCANZO O Margì, Margì (Marietta) ti volevo un gran bene tra i campanili di Brusaporto e Scanzo, o Margì, Margì che bell’incanto parlare d’amore tra Brusa e Scanzo. “Non so neppure io cosa faccio / mi hai fatto perdere la testa ma sta fermo con quelle manacce / vuoi prenderti due schiaffi? Pota, ascoltami, allora? C’è il mio babbo di sopra se mi trova per caso qui al buio / mi ammazza di sicuro!”. O Margì, Margì, sul tuo balcone nel cielo di Scanzo stelle a milioni, ma Margì, Margì, che lacrimoni, la sera in cui ci hanno scoperto. “Cosa stai facendo lì dietro? / Togliti di dosso o schifoso! Se ti ritrovo in queste contrade / ti faccio correre a pedate (nel culo). Brutto lazzarone d’uno stordito / non andrai mai in nessun luogo fors’anche signor impiastro / avrai già fatto un disastro!”. O Margì, Margì, anche il cielo di Scanzo È diventato più grigio quando piange; ma Margì, Margì, i tuoi begli occhioni sono ancora celesti ad ogni stagione. Adesso che siamo quasi vecchi / non mi fai né caldo né freddo e pensare che ero matto / dopo che mi hai lasciato. Il tuo babbo non c’è più / starà sacrementando lassù, io tiro avanti alla bene e meglio / e sto bene quando sono sbronzo / sono sempre ubriaco…. O Margì, Margì, torna l’incanto / del grande amore tra Brusa e Scanzo; o Margì, Margì, è per il vino che il cuore batte senza soffrire. O Margì, Margì, la mia passione è il vino di Scanzo e di Negrone; ahi Margì, Margì, la mia rovina è il vino che fanno alla Tribulina. O Margì, Margì, sono innamorato / l’amore è dolce, mai come il moscato; o Margì, Margì, mi bolle il sangue / per il vino rosso e per quello bianco. (Parlato): Quando la barba imbianca bisogna lasciar perdere le donne e attaccarsi al vino. IL DUEMILA È arrivato il Duemila ho già cinquant’anni e mi sento una mosca nella tela del ragno. È un peccato invecchiare quando il cuore è ancora in fiore, pieni di sogni i cassetti stanno per scadere anche loro. È arrivato il Duemila Giubilei, porte sante mai che arrivi un’indulgenza se triboliamo con le banche. Io ho suonato la chitarra anche l’ultimo dell’anno intanto i ricchi ballavano e brindavano con lo champagne. È arrivato il Duemila e un augurio bisogna farlo: di farsi tutti buona cera, che nessuno campi male. Dopo, in fine della fiera, sono ancora croci e passioni guai, però, non fare il pieno delle più belle intenzioni. È arrivato il Duemila e se guardo più in là spaventa ed incanta il pensiero del domani: perché il mondo va avanti anche senza di noi e se l’uomo fa lo stupido Dio si inventa qualche altra cosa. IL TRENINO Sono qui in galleria sopra San Pellegrino quante macchine in coda, mai che si veda la fine; guardo i metri di fuga, l’omino sul display scappar via sarebbe meglio. Lo stesso a Olmo e a Branzi camminano a passo d’uomo, processione a San Giovanni Bianco: c’è il festone della Spina, con la banda e le campane a suonare l’allegrezza senza un’ombra di fretta. Intanto che proprio non si va -chiudo gli occhi- e mi viene in mente il trenino: correva in fianco al Brembo fino su a San Martino de’ Calvi [attuale Piazza Brembana], in carrozza si godeva tutto il bello della valle è un piacere pensarlo. C’è il trenino che fila, fila, fi… che visione, manca il fiato: sono tra Villa e Brembilla in mezzo a un bosco incantato, a Sedrina sette ponti, galleria sotto le case: Zogno non è lontano. Si vede San Pellegrino: Casinò, Grand Hotel, scendono le signore in prima (classe): ombrellino, guanti, cappello; San Giovanni, Lenna, il treno sul ponte lento passa basta sogni, siamo a Piazza. Guardate le teste di gomma che disastro hanno fatto: industrie, traffico, turismo sarebbero migliorati, sono rimasti i brandelli della ex ferrovia e siamo in coda in galleria… Adesso i nostri coccodrilli promettono la tramvia ma non sappiamo più dove andiamo a parare… GIOVANNINO DEL LATTE Giovannino del latte dai, salta fuori dal letto pulisci l'unto che hai sugli occhi, lo so che è notte e sei ancora a piedi nudi ma attacca a tirare tette finché sei cotto. Giovannino del latte se si vuole fare i soldi bisogna fare dei salti, camminare sui chiodi, bisogna fare il pidocchio, c'è da diventare matti, sgobbare come manovali e non fare i lumaconi. Te lo dicevano tuo padre e i tuoi vecchi che hanno faticato come bestie a tagliare l'erba nei prati, hanno abbassato il crapone come le pecore per obbedire al padrone e dire di sì ai parroci. Ma tu Giovannello non ascoltare i parenti, cosa vuoi che sappiano loro degli scherzi sopportati? che ti chiamavano “boascione” i tuoi coscritti: ignoranti con la testa nelle moto, donne, abiti firmati. Tu donne, nisba! dicono che sei sudicio, fai loro paura come i topi, come i rospi ma donne e mucche ti escono dagli occhi: ti batte forte il cuore vicino ai giovani, ai maschi. ( Parlato) Gli piacciono i maschi? Allora è un gay… - No, fa i soldi da quando ha piantato lì sterco di mucca, vacche e stalle ed è scappato con un… come si dice… un uomo sensuale. Ormai non è più un mistero va a sposarsi da Zapatero… Giovannino del latte adesso non è più quello è dentro fino al collo con quelli che mostrano il sedere, gira con i tacchi alti è il capo dei travestiti e ha messo su un davanti dove si resta a tetto. Gli innamorati adesso fanno la fila ma ha il compagno e sembrano colombi tanto sono legati; però Giovannino non vuole adottare dei figli: lo sa che sotto il tetto ha la casa… dei matti. La gabbia delle matte… (Parlato): Juanito del latte per amor tuo batte il cuore dei matador! Gli ammazza tori. IMMAGINA Immagina che in aria non ci sia il Paradiso l’Inferno è una storia soltanto per spaventarsi, immagina i popoli in gara a farsi del bene… Immagina un miracolo né stati, né religioni nessuno che ammazza o che vuol morire per torto o per ragione, immagina il mondo in pace e in armonia. Direte che sogno che sono le mie fantasie ma può darsi che un bel giorno tutti sognino con me (sarà proprio così). Immagina per giunta né ladri, né padroni se c’è un povero per sbaglio tutti vogliono farsi in due, immagina il mondo più bello da immaginare… IL MARE Per noi gente di valle e di pianura il mare era un oracolo e da ragazzo me lo immaginavo non diverso dall'Adda e lo pitturavo di verde e di celeste. Tra due file di monti di qua e di là riempivo i miei fogli di un nastro senza fine: "Il mare- mi avevano detto - non ha confine", ma da che parte, come facevo ad indovinare? Il mare quando l'ho visto la prima volta è stato ad andare in colonia a Riccione; partivamo con le nostre valigie di cartone, i numeri sul corredo e addosso una gran voglia di piangere… Dopo una notte a trattenere le lacrime sul treno è apparso là in fondo all'orizzonte: "Il mare, si vede il mare! si confonde con il cielo ma è più blu, più grande, più vagabondo". E quante volte mi fa soggezione perché mi parla dell'eternità, mentre lo guardo rimugino i miei dolori, poi dopo il gioco delle onde mi distoglie dai miei pensieri. Il mare adesso è un attimo di vacanza: ci passo qualche giorno in principio a luglio; faccio il pieno di bellezze e di emozioni il mare che incanto nell'ora che si sveglia il sole. Rimango lì a buttargli dentro l'amo per vedere le sue creature d'argento vivo, che hanno nomi così belli da nominare, me li insegna un vecchio un pescatore amico mio: donzelle, sparli, saraghi, labridi, occhiate, sciarrani, salpe, boghe, orate (fratres); parole di poesia che accordano il sentimento quando si mettono in rima con aglio e prezzemolo. E scaldo l'estro e l'anima con il vino, è un bianco delle colline di Portofino e in cuore cresce un'onda di serenità: "Che mi lega e mi porta in una stradina di mare". (Coda) Il mare che vediamo danzare / lungo i golfi chiari ha dei riflessi d’argento / il mare sotto la pioggia. [Citazioni da F. De André e C. Trenet] SAN MARTINO Tra questi monti[di Piazzatorre], e in una casa non mia, diventato vecchio, e con i capelli coperti di brina, guardo scendere la neve, e penso ai giorni quando a casa nostra, seduti in cucina, noialtri fratelli ci scaldavamo i piedi davanti al caminone, e giù in cantina avevamo il vino nuovo, e di tanto in tanto io andavo da basso a girare la spina… E nelle pentole di bronzo bollivano i pollastri e davanti al fuoco ruotava adagio lo spiedo con le sue bacchette piene di salvia e uccelli… Né avevamo altri pensieri per la testa che di divertirci, abbuffarci e soddisfare la sete… di giornate come queste potrò goderne ancora?.